GKS ТЭТГЭЛЭГ ГЭЖ ЮУ ВЭ?
GKS нь олон улсын оюутнуудад БНСУ-ын их дээд сургуулиудад бакалавр болон түүнээс дээш түвшинд бүрэн тэтгэлэгтэйгээр суралцах боломжийг олгодог олон улсын хэмжээний тэтгэлэг юм.Энэхүү тэтгэлэг нь олон улсын боловсролын солилцоог нэмэгдүүлэх, Солонгос болон оролцогч орнуудын харилцан найрамдлыг бэхжүүлэх зорилготой. Тэтгэлэгт сургалтын бүтэн төлбөр, 2 талын онгоцны билет (анх ирэх, төгсөөд буцах), сар тутам эрүүл мэндийн даатгал, амьжиргааны зардал (1,000,000 вон) болон нэг удаагийн суурьших
200,000 вон, диплом хэвлүүлэх буюу төгсөх тэтгэлэг гэх мэт зардлууд багтдаг байна. Мөн Солонгос хэлний түвшиний тэтгэлэг буюу ТОПИК 5,6-тай оюутнууд сар бүр нэмэлт 100,000 вон авах боломжтой.

Тавигдах шаардлага: 

* Иргэншил
⦁ Монгол улсын иргэн байх
⦁ Хүсэлт гаргагч өөрөө болон эцэг эх нь БНСУ-ын давхар иргэншилтэй тохиолдолд хүсэлт гаргах боломжгүй

* Нас
⦁ 2023 оны 9 сарын 1-ний байдлаар 40 нас хүрээгүй байх(1983.9.1-нээс хойш төрсөн иргэн байх)
⦁ Хөгжлийн албан ёсны тусламж(ODA) хүлээн авагч орны Их сургуулийн багшийн хувьд 2023 оны 9 сарын 1-ний байдлаар 45 хүрээгүй байх(1978.9.1-нээс хойш төрсөн иргэн байх)

* Боловсролын зэрэг
⦁ 2023 оны 2 сарын 28-ны байдлаар бакалавр, магистр, докторын зэрэг эзэмшсэн байх эсвэл дээрх хугацаанаас өмнө боловсролын зэргээ авсан байх
⦁ БНСУ-д ахлах сургууль(олон улсын сургууль багтсан), их дээд сургуулийн бакалавр, магистрт суралцаж төгссөн хүн хүсэлт гаргах боломжгүй.
⦁ БНСУ-ын Их дээд сургуульд солилцооны оюутнаар сурч байсан тохиолдолд хүсэлт гаргах боломжтой.
⦁ Өмнө нь БНСУ-ын Засгийн газрын тэтгэлэгт хамрагдаж төгссөн оюутны хувьд дараах шалгуурыг хангаж байгаа тохиолдолд хүсэлт гаргах боломжтой.

- Хамгийн сүүлд төгссөн сургуулийн дүнгийн голч 90% дээш байх
- Солонгос хэлний түвшин тогтоох шалгалтын 5-р түвшинд тэнцсэн байх(хүчинтэй хугацаа дуусаагүй тохиолдолд)
- Материалыг зөвхөн 1 удаа дахин өгөх боломжтой ба дараах байдлаар хүсэлт гаргах

※ Баклавр→Магистр / Магистр→Судлаач(Солилцооны багш, мэргэшүүлэх сургалт хамаарна), Доктор / Доктор→Судлаач

*  Дүнгийн шалгуур
⦁ Төгссөн сургуулийн дүнгийн дундаж(GPA) дараах шалгуурыг хангаж буй тохиолдолд хүсэлт гаргах боломжтой.

4.0 бол 2.64
4.3 бол 2.80
4.5 бол 2.91
5.0 бол 3.23
100 хувиар тооцдог бол 90% дээш байх 

⦁ Хэрэв дүн нь дээрх шалгуурыг хангахгүй тохиолдолд хүсэлт гаргах боломжгүй.
⦁ Бүрдүүлж өгсөн дүнгийн тодорхойлолт дээр голч дүн бичигдээгүй эсвэл GPA-д хувиргах боломжгүй бол төгссөн сургуулиасаа дүнгийн талаарх албан ёсны тайлбар хавсаргана. 
⦁ Солонгос хэлний түвшин тогтоох шалгалт(TOPIK)-ын 5-р түвшнээс дээш түвшинтэй байх , TOEFL IBT 99, CBT 243, PBT 590, IELTS 7, TOEIC 855-аас дээш оноотой байх.

* Материал бүрдүүлэлтэнд тавигдах шаардлага:
Нийт бүрдүүлэх материалын тоо: 4 хувь(Апостиль-р баталгаажсан эх хувь 1, тус эх хувийн хуулбар 3 хувь байх)
※ Апостиль хийлгэх шаардлагатай материал нь бүрдүүлэх материалын жагсаалт дундаас нотлох бичиг баримтын жагсаалт хэсгийг хамаарна.

Та GKS-н талаар дэлгэрэнгүй зөвлөгөө авах бол манай төвд хандаарай. 
Утас:7771-2121, 80492101
Хаяг: Улаанбаатар хот, Хан-Уул дүүрэг, 19-р хороолол, Сүмбэр тауэр оффис, Б-Блок, 17 давхарт байрлаж байна.