Rain-ий амжилтын түүх: Залуу уран бүтээлчээс K-Pop-ийн домогт уран бүтээлч болсон нь

1. Карьерын эхэн үе ба анхны амжилт

Rain нэрээр танигдсан Жон Жи Хун багаасаа бүжиг, хөгжимд сонирхолтой байсан нь түүнийг энтертайнмент ертөнц-рүү хөтөлсөн юм. Эхний жилүүдэд түүний гадаад дүр төрхийг К-ПОП Idol-д тохирохгүй хэмээн олон агентлагуудаас татгалзсан амаргүй эхлэл байсан гэдэг. Удалгүй түүний ээж нь 2000 онд өвчний улмаас нас барсан харамсалтай явдал тохиосон ч JYP агентлагийн Пак Жин Ён-н нүдэнд түүний хичээл зүтгэл үнэлэгдэн  дадлагажигч, тайзны арын бүжигчнээр элссэн юм. Түүний уйгагүй хичээл зүтгэл, шаргуу хөдөлмөрийн үр дүнд төд удалгүй 2002 онд өөрийн бие даасан анхны цомог болох "Bad Guy"-аар БНСУ-ын К-ПОП ертөнцөд замналаа эхлүүлжээ. Тус цомог нь нийт 138,000+ хувь борлуулагдсан бөгөөд түүний зөөлөн дуу хоолой, хүчирхэг бүжгийн хөдөлгөөнүүдийн өвөрмөц хослолоор олны анхаарлыг татаж чадсан гэдэг. 

2. Алдрын оргил үе: Дэлхий дахинд хүлээн зөвшөөрөгдсөн нь
Rain-ийн карьер нь түүний гурав дахь цомог болох It's Raining (2004) гарснаар огцом өсжээ. Тус цомог нь Өмнөд Солонгост төдийгүй Ази даяар асар их хит болж, олон улсын зах зээлд гарах амжилтад хөтөлсөн байдаг. Түүний өвөрмөц хэв маяг, R&B, поп урсгалыг бүжиг дэглэлттэй хослуулсан нь түүнийг бусад уран бүтээлчдээс онцгойруулж байсан бөгөөд тухайн үедээ Rain зүгээр нэг уран бүтээлч бус, харин К-ПОП урсгалынхаа соёлын бэлгэ тэмдэг болж байсан гэдэг. Түүний дэлхийг тойрсон аялан тоглолтууд болоод тухайн жилдээ "Full House" зэрэг алдартай солонгос олон ангит кинонуудад тоглосон дүрүүд нь түүнийг дэлхийн одын статуст харьяалагдаж эхлэхэд нөлөөлсөн байна. 2005 оны байдлаар зөвхөн зар сурталчилгааны үйл ажиллагаанаас нийт 35 сая доллар олсон гэдэг. Тэрээр олон брэндийн нүүр царай болохоос гадна, 2009 онд "Ninja Assassin" зэрэг Холливудын кинонд тоглосноор Rain-ийн алдар нэр хүнд зөвхөн дуу хөгжмийн ертөнцөөр хязгаарлагдаагүй юм.

3. Одоо ч үргэлжлэх RAIN-ийн өв

Цэргийн алба хааж, хувийн амьдралдаа анхаарлаа хандуулахын тулд завсарлага авсан хэдий ч RAIN-ийн нэр алдар одоо ч энтертайнментийн салбарт хэвээрээ байна. Тэрээр 2014 онд Rain Effect цомгоороо хүчтэй эргэн ирэлт хийж, хуучин болон шинэ шүтэн бишрэгчдэдээ цуурайтсан уран бүтээлээ үргэлжлүүлэн туурвисаар байгаа юм. Тэрээр 2017 онд жүжигчин Ким Тэхи-тэй гэрлэсэн нь тухайн үедээ олны анхаарлыг их татсан бөгөөд сүүлийн үед Рэйн зөвлөгч, продюсерын үүрэгтэйгээр К-поп оддын дараагийн шинэ үеийг төлөвшүүлэхийг зорин ажиллаж байна. Өнөөдрийг хүртэл Rain өөрийн уйгагүй хөдөлмөрч байдал, ажлын хариуцлага болон ёс зүйтэй хандлагаар залуу шинэ уран бүтээлчдэдээ үлгэр жишээ болж, түүгээр зогсохгүй К-попыг дэлхий даяар түгээхэд оруулсан хувь нэмрээрээ БНСУ-ын домгуудын эгнээнд зүй ёсоор бичигдэх амьд домог билээ.